CATEGORY
ព័ត៌មានជាតិ
នគរបាលកំណត់អត្តសញ្ញាណម្ចាស់រថយន្តទំនើបបង្កគ្រោះថ្នាក់បុកហើយរត់
កាលពីម្សិលមិញនគរបាលចរាចររាជធានីភ្នំពេញបានកំណត់អត្តសញ្ញាណម្ចាស់រថយន្ត Range Rover ដែលអ្នកបើកបរបានបើកបុកជនជាតិអៀរឡង់ម្នាក់ស្លាប់នៅលើមហាវិថីព្រះមុនីវង្សកាលពីថ្ងៃអាទិត្យ។ អ្នកបើកបរដែលបានគេចខ្លួនពីកន្លែងកើតហេតុកំពុងរត់គេចខ្លួននៅឡើយ។
លោក ថូម៉ាស ប៊ីឈើ អាយុ៣០ឆ្នាំបានបណ្ដើរកង់របស់គាត់ឆ្លងកាត់មហាវិថីព្រះមុនីវង្សនៅជិតចំណុចប្រសព្វនៃផ្លូវលេខ២៧៨ក្នុងសង្កាត់បឹងកេងកង១ នៅម៉ោងប្រហែល១និង៣០នាទីរំលងអធ្រាត្រ...
ប៉ុន្មានថ្ងៃបន្ទាប់ពីគណៈកម្មការសិទ្ធិមនុស្សនៃរដ្ឋសភាបានចុះទៅពិនិត្យមើលទីតាំងកើតមានវិវាទដីធ្លីជាយូរមកហើយរវាងប្រជាពលរដ្ឋនៅក្នុងខេត្តកំពង់ឆ្នាំង និងក្រុមហ៊ុនអភិវឌ្ឍន៍ឯកជនមួយ សាលាដំបូងរាជធានីកាលពីម្សិលមិញ បានសាកសួរអ្នកភូមិពីរនាក់ជុំវិញពាក្យបណ្តឹងដែលពួកគាត់បានដាក់ប្តឹងក្រុមហ៊ុននេះ។
ចៅក្រមសើុបសួរ ជួន សុរាសី បានមានប្រសាសន៍ថា "កាលពីម្សិលមិញ យើងបានសាកសួរភាគីទាំងពីរជាផ្នែកនៃនីតិវិធីព្រាងទុកសម្រាប់ការទាញហេតុផលផ្ទាល់មាត់ ប៉ុន្តែ ការព្យាយាមផ្សះផ្សាមិនទទួលបានផ្លែផ្កាទេ"។
ចៅក្រមរូបនេះបានមានប្រសាសន៍ទៀតថា សាលាដំបូងរាជធានីទទួលបានសំណុំរឿងចំនួន២១ពីសាលាដំបូងខេត្តកំពង់ឆ្នាំងជុំវិញពាក្យបណ្តឹងរដ្ឋប្បវេណី ដែលអ្នកភូមិពីរនាក់ឈ្មោះ កែវ សុខា និងឈ្មោះ ស៊ុម ថុន បានដាក់ប្តឹងក្រុមហ៊ុនខេឌីស៊ី ប៉ុន្តែ សំណុំរឿងចំនួន១១ក្នុងចំណោមនោះត្រូវបានដកចេញវិញ បន្ទាប់ពីគ្រួសារមួយចំនួនបានទទួលយកសំណងពីក្រុមហ៊ុននេះកាលពីខែមីនា។
បច្ចុប្បន្ន ចំណុចក្តៅនៃវិវាទនេះគឺស្ថិតនៅត្រង់តម្លៃដីកសិកម្ម ដែលអ្នកភូមិនេះនិយាយថា ក្រុមហ៊ុនខេឌីស៊ីបានលួចប្លន់ពីពួកគាត់។ អ្នកភូមិវាយតម្លៃថា ដីមួយហិកតាមានតម្លៃចន្លោះពី៨.០០០ដុល្លារ ទៅ១០.០០០ដុល្លារ ចំណែកឯមេធាវីតំណាងក្រុមហ៊ុននិយាយថា តម្លៃដីនៅលើទីផ្សារគឺក្នុងមួយហិកតាមានតម្លៃត្រឹម២.០០០ទៅ២.៥០០ដុល្លារប៉ុណ្ណោះ។
អ្នកស្រី កែវ សុខា អាយុ៤៨ឆ្នាំ និយាយថា គាត់បានបាត់បង់ដីពីរហិកតាទៅលើក្រុមហ៊ុននេះ បន្ទាប់ពីក្រុមហ៊ុននេះបានជីកប្រឡាយមួយព័ទ្ធជុំវិញតំបន់មានវិវាទ និងបានប្រើត្រាក់ទ័រឈូសកម្ទេចផ្ទះរបស់ម្ដាយអ្នកស្រីកាលពីចុងឆ្នាំ២០០៦ និងដើមឆ្នាំ២០០៧។ អ្នកស្រីនិយាយទៀតថា "ខ្ញុំទាមទារ១០.០០០ដុល្លារសម្រាប់ដីមួយហិកតាវាមិនច្រើនទេបើគិតពីផ្ទះម្តាយរបស់ខ្ញុំដែលត្រូវគេកម្ទេចចោល"។
លោក ជា ប៉ូច តំណាងរាស្ត្រគណបក្សសង្គ្រោះជាតិបានមានប្រសាសន៍កាលពីម្សិលមិញថា សមាជិកគណៈកម្មការសិទ្ធិមនុស្សបានចុះទៅពិនិត្យមើលដីមានវិវាទកាលពីចុងសប្តាហ៍កន្លងទៅនេះ ហើយបានជួបជាមួយអាជ្ញាធរមូលដ្ឋាន ប៉ុន្តែ បានមានប្រសាសន៍ថា សមាជិកគណៈកម្មការនេះគ្មានតួនាទីវាយតម្លៃតម្លៃដីនោះទេ។ លោកបានមានប្រសាសន៍ទៀតថា "គណៈកម្មការមិនអាចវាយតម្លៃដីនោះបានទេ ព្រោះយើងមានកាតព្វកិច្ចព្យាយាមសម្រុះសម្រួលបញ្ហានេះ"៕សុខុម
អ្នកទោសម្នាក់លួចរត់ចេញពីពន្ធនាគារខេត្តកំពង់ឆ្នាំង
ក្រុមមន្ត្រីបានឲ្យដឹងកាលពីម្សិលមិញថា នគរបាលកំពុងស្វែងរកអ្នកទោសអាយុ៣០ឆ្នាំម្នាក់ ដែលបានលួចរត់ចេញពីពន្ធនាគារខេត្តកំពង់ឆ្នាំងកាលពីវេលាទៀបភ្លឺព្រឹកថ្ងៃអង្គារ។
យោងតាមលោក ពៅ វុទ្ធី ប្រធានពន្ធនាគារបានឲ្យដឹងថា នៅក្នុងការលួចរត់ដ៏ព្រហើននេះធ្វើឲ្យ ឡេ តាល់...
អគ្គនាយកនៃអគ្គនាយកដ្ឋានពន្ធដារនៅក្រសួងសេដ្ឋកិច្ច និងហិរញ្ញវត្ថុបានប្រាប់មេដឹកនាំសហជីពកាលពីម្សិលមិញថា កម្មកររោងចក្រកាត់ដេរ ដែលសព្វថ្ងៃទទួលបានប្រាក់ខែគោល១០០ដុល្លារចាំបាច់ត្រូវតែត្រៀមខ្លួនបង់ពន្ធលើប្រាក់ខែរបស់ខ្លួននៅពេលប្រាក់ខែគោលរបស់ពួកគាត់នឹងត្រូវដំឡើងនៅខែមករា ។
លោក គង់ វិបុល ដែលជាអគ្គនាយកនៃអគ្គនាយកដ្ឋានពន្ធដារបានប្រាប់តំណាងសហជីពក្នុងសិក្ខាសាលាមួយនៅសណ្ឋាគារ Raffles ថា កម្មកររោងចក្រប្រមាណ៦០០.០០០នាក់ ដែលធ្វើការនៅក្នុងវិស័យកាត់ដេរអាចត្រូវបង់ពន្ធលើប្រាក់ខែរបស់ខ្លួនចំនួន៥ភាគរយប្រសិនបើប្រាក់ខែគោលរបស់ពួកគាត់ ដែលរួមទាំងប្រាក់ឧបត្ថម្ភផ្សេងៗផង លើសពី៥០០.០០០រៀល ឬក៏១២៥ដុល្លារនោះ។
នៅសប្តាហ៍ក្រោយគណៈកម្មាធិការប្រឹក្សាការងារ ដែលរួមមានតំណាងរដ្ឋាភិបាល ម្ចាស់រោងចក្រ និងសហជីពនោះត្រូវបានគេរំពឹងថា នឹងបោះឆ្នោតលើប្រាក់ខែគោលថ្មីនេះ។ មេដឹកនាំសហជីពកំពុងទាមទារឲ្យមានការដំឡើងប្រាក់ខែ៧៧ដុល្លារបន្ថែមទៀតពីលើប្រាក់ខែគោលសព្វថ្ងៃរបស់កម្មករ ចំណែកឯម្ចាស់រោងចក្រវិញស្នើសុំដំឡើងត្រឹមតែ១០ដុល្លារបន្ថែមប៉ុណ្ណោះ។
លោក វិបុល បានពន្យល់ថា បើយោងតាមច្បាប់ពន្ធដារឆ្នាំ១៩៩៧ បុគ្គលិកដែលមានប្រាក់ខែ គឺតម្រូវឲ្យបង់ពន្ធលើប្រាក់ខែគោលរបស់ខ្លួនដោយអាស្រ័យលើទំហំនៃប្រាក់ខែគោលដែលពួកគេទទួលបាន។
លោបានមានប្រសាសន៍ថា "នៅថ្ងៃនេះយើងបើកសន្និសីទកាសែតមួយដើម្បីផ្សព្វផ្សាយព័ត៌មានដល់សហជីពទាំងអស់។ យើងសង្ឃឹមថា បងប្អូនអាចពន្យល់ដល់កម្មករពីកាតព្វកិច្ចបង់ពន្ធរបស់ពួកគាត់ ហើយចូលរួមចំណែកកសាងប្រទេសជាតិទាំងអស់គ្នា"។
ប៉ុន្តែ តំណាងកម្មករមិនសូវជាពេញចិត្តឡើយដោយលើកឡើងថា សមាជិករបស់ខ្លួននឹងមិនអាចទទួលយកព័ត៌មាននេះបានទេ។ លោក ឡុង សង្គ្រោះ តំណាងសហជីពបាននិយាយថា "យើងគ្មានប្រាក់ខែគ្រប់គ្រាន់ដើម្បីចំណាយលើការចាយវាយប្រចាំថ្ងៃផង ហើយឥឡូវនេះរដ្ឋាភិបាលឲ្យយើងបង់ពន្ធលើប្រាក់ខែទៀត។ យើងនឹងជជែកជាមួយកម្មកររបស់យើង ហើយចាំមើលថា ពួកគាត់នឹងគិតយ៉ាងម៉េចចំពោះបញ្ហានេះ"។
លោក ម៉េង អា៊ាង តំណាងកម្មករម្នាក់ទៀតបានព្យាករថា ការបង់ពន្ធដែលកម្មករភាគច្រើនមិនដឹងនោះនឹងបង្កឲ្យមានភាពចលាចល។
លោកបាននិយាយថា "កម្មករនឹងមានកំហឹង។ពួកគាត់នឹងធ្វើកូដកម្ម ហើយតវ៉ាប្រឆាំងនឹងការបង់ពន្ធនេះ ព្រោះថា ពួកគាត់មានប្រាក់ខែទាប ហើយមិនដឹងអំពីបញ្ហានេះពីមុនមកឡើយ"៕ស៊ុយឈាង
កម្មករធ្វើកូដកម្មប្រហែល៥០០នាក់មកពីរោងចក្រកាត់ដេរ Y&W នៅក្នុងខណ្ឌដង្កោ រាជធានីភ្នំពេញកាលពីម្សិលមិញបានបំផ្លាញផើងផ្កា និងដុតកង់ឡានបន្ទាប់ពីអ្នកគ្រប់គ្រងបានដាក់រូបម៉ានីកាំងស្លៀកពាក់ឯកសណ្ឋានយោធានៅខាងក្រៅរោងចក្រ ដើម្បីរំឭកដល់ថ្ងៃបុណ្យជាតិរបស់ប្រទេសចិន។
លោក ខេង ភារម្យ តំណាងសម័្ពន្ធសហជីពស្មារតីកម្មករខ្មែរបានមានប្រសាសន៍ថា...
អ្នកភូមិពោរពេញដោយកំហឹងបាចលុយឈាមនៅខាងមុខធនាគារ ANZ Royal
អ្នកភូមិមកពីខេត្តកំពង់ស្ពឺបាននាំគ្នានតវ៉ាក្នុងថ្ងៃទី២នៅខាងមុខទីស្នាក់ការកណ្តាលរបស់ធនាគារ ANZ Royal ក្នុងរាជធានីភ្នំពេញកាលពីម្សិលមិញ ដោយយកបាតដៃដែលប្រឡាក់ថ្នាំពណ៌ក្រហមប៉ាតលើជញ្ជាំងអគាររបស់ធនាគារនេះ បន្ទាប់ពីធនាគារបានបដិសេធម្តងទៀតមិនព្រមជួយដោះស្រាយវិវាទដីធ្លីរបស់ពួកគាត់ជាមួយក្រុមហ៊ុនចម្ការអំពៅ ដែលធនាគារនេះបានផ្តល់ហិរញ្ញប្បទាន។
អ្នកភូមិរាប់រយគ្រួសារដែលមកពីខេត្តកំពង់ស្ពឺទាំងនេះ បានចោទប្រកាន់ក្រុមហ៊ុនចម្ការអំពៅចំនួនពីរ ដែលគ្រប់គ្រងដោយលោក លី យ៉ុងផាត់ សមាជិកព្រឹទ្ធសភា មកពីគណបក្សប្រជាជនកម្ពុជា និងភរិយារបស់លោកថា បានប្លន់យកដីរបស់ពួកគាត់ និងធ្វើឲ្យពួកគាត់ជំពាក់បំណុលគេ។ ធនាគារ ANZ Royal ដែលជាបុត្រសម្ព័ន្ធនៃធនាគារ ANZ របស់អូស្ត្រាលី បានផ្តល់ហិរញ្ញប្បទានដល់ក្រុមហ៊ុនចម្ការអំពៅមួយក្នុងចំណោមក្រុមហ៊ុនចម្ការអំពៅទាំងអស់របស់លោក លី យ៉ុងផាត់ ដែលបានសងប្រាក់គ្រប់ចំនួនទៅឲ្យធនាគារវិញកាលពីខែកក្កដា។ គ្រួសារទាំងនេះនិយាយថា ហិរញ្ញប្បទាននេះបានជួយឲ្យប្រតិបត្តិការរបស់ក្រុមហ៊ុនចម្ការអំពៅមានដំណើរការ ហើយពួកគាត់ចង់ឲ្យធនាគារដែលទទួលបានការប្រាក់ពីក្រុមហ៊ុនចម្ការអំពៅជួយផ្តល់ប្រាក់សំណងដល់ពួកគាត់។
អ្នកភូមិដែលរងផលប៉ះពាល់ប្រហែល១០០នាក់បានធ្វើដំណើរមករាជធានីភ្នំពេញដើម្បីតវ៉ានៅទីស្នាក់ការកណ្តាលរបស់ធនាគារនេះ ហើយបានត្រឡប់មកតវ៉ាម្តងទៀតកាលពីព្រឹកម្សិលមិញ ។
បន្ទាប់ពីធ្វើព្រងើយកន្តើយចំពោះអ្នកតវ៉ានៅថ្ងៃទី១ កាលពីម្សិលមិញ ធនាគារបានឲ្យបុគ្គលិករបស់ខ្លួនម្នាក់ចេញមកក្រៅនៅម៉ោងប្រហែល១០ព្រឹក ដោយមានលិខិតមួយច្បាប់ជាប់មកជាមួយ ។ លិខិតនេះនិយាយតែពីអ្វីដែលធនាគារបានប្រាប់អ្នកភូមិកាលពីលើកមុនដែលថា ធនាគារ...
តំណាងរាស្ត្រអនុម័តដាក់បញ្ចូលគណៈកម្មាធិការជាតិរៀបចំការបោះឆ្នោតទៅក្នុងរដ្ឋធម្មនុញ្ញ
កាលពីម្សិលមិញ រដ្ឋសភាបានអនុម័តសេចក្ដីព្រាងច្បាប់មួយជាឯកច្ឆន្ទប្រែក្លាយគណៈកម្មាធិការជាតិរៀបចំការបោះឆ្នោត (គ.ជ.ប.) ទៅជាស្ថាប័នធម្មនុញ្ញ ដោយតំណាងរាស្ត្រគណបក្សប្រជាជនកម្ពុជាបានបំពេញតាមការសន្យាមួយក្នុងចំណោមការសន្យាសំខាន់ៗ ដែលគណបក្សកាន់អំណាចបានធ្វើជាមួយគណបក្សសង្គ្រោះជាតិនៅក្នុងកិច្ចព្រមព្រៀងមួយនាខែកក្កដា ដែលបានបំបែកភាពទាល់ច្រកខាងនយោបាយនៅក្នុងប្រទេស ដែលបានអូសបន្លាយអស់រយៈពេល១០ខែ។
គ.ជ.ប. បច្ចុប្បន្នមានសមាសភាពភាគច្រើនជាបុគ្គលដែលមានភក្ដីភាពចំពោះគណបក្សកាន់អំណាច...
រដ្ឋាភិបាលការពារផែនការសាងសង់ទំនប់វារីអគ្គិសនីដ៏ចម្រូងចម្រាស
កាលពីម្សិលមិញ ក្រសួងរ៉ែនិងថាមពល បានព្យាយាមនិយាយសម្រាលអំពីផលប៉ះពាល់សង្គមនិងបរិស្ថាន ពីសំណង់ទំនប់វារីអគ្គិសនីនៅខេត្តកោះកុង ដោយតបតទៅនឹងការអះអាងមួយចំនួនរបស់ក្រុមបរិស្ថាន ដែលបាននិងកំពុងប្រឆាំងនឹងគម្រោងនេះ រួមជាមួយគ្រួសារជនជាតិភាគតិចជងដែលរស់នៅក្នុងតំបន់នោះ។
ទំនប់ស្ទឹងជាយអារ៉ែងកម្លាំង១០៨មេហ្គាវ៉ាត់នឹងធ្វើឲ្យជន់លិចដីរាប់ពាន់ហិកតានៃជួរភ្នំក្រវាញ រួមទាំងដីកេរដូនតារបស់ជនជាតិភាគតិចជងជាច្រើនរយគ្រួសារផង និងជម្រកសត្វកម្រជាច្រើនប្រភេទ...
សុខភាពមិនល្អនិងរបបអាហារមិនគ្រប់គ្រាន់នៅក្នុងវិស័យកាត់ដេរ
លទ្ធផលដំបូងនៃការសិក្សាអង្កេតថ្មីបង្ហាញថា ជាង៤០ភាគរយនៃកម្មករកាត់ដេរមានជំងឺកង្វះឈាមក្រហម ហើយមួយភាគបីប៉ុណ្ណោះមានអាហារបរិភោគគ្រប់គ្រាន់។
ការសិក្សារយៈពេលមួយឆ្នាំ ដែលផ្តល់មូលនិធិដោយកម្មវិធីរោងចក្រល្អប្រសើរនៅកម្ពុជារបស់អង្គការពលកម្មអន្តរជាតិ និងទីភ្នាក់ងារអភិវឌ្ឍន៍បារាំង មានបំណងស្វែងយល់អំពីផលទាក់ទងនឹងការផ្តល់អាហារមួយពេលក្នុងមួយថ្ងៃដោយឥតគិតថ្លៃដល់កម្មករកាត់ដេរកម្ពុជា។
លទ្ធផលបឋមដែលចេញកាលពីថ្ងៃច័ន្ទបានបង្ហាញថា ក្នុងចំណោមកម្មករ៣.៩៨០នាក់ដែលគេចុះសាកសួរនៅ១០រោងចក្រ ១៥,៧ភាគរយខ្វះទម្ងន់...
នគរបាលខេត្តតាកែវរង់ចាំដីកាចាប់ខ្លួនអតីតនាយប៉ុស្តិ៍ម្នាក់ជាប់ចោទពីបទសម្លាប់ស្ត្រីខារ៉ាអូខេ
យោងតាមនគរបាលបានឲ្យដឹងថា អតីតនាយប៉ុស្តិ៍ឃុំម្នាក់ក្នុងខេត្តតាកែវ ដែលជាប់សង្ស័យថា បានសម្លាប់ស្ត្រីម្នាក់កាលពីខែមីនានោះ កំពុងរត់គេចខ្លួន បន្ទាប់ពីមានសេចក្ដីរាយការណ៍ព័ត៌មានថា គាត់បានបង់ប្រាក់ដល់គ្រួសារជនរងគ្រោះកុំឲ្យដាក់ពាក្យបណ្ដឹង។
លោក ស៊ិន ពៅ...