ក្រុមយុវជនគណបក្សប្រជាជនកម្ពុជាខាងនាយសមុទ្រ ដែលកើតចេញពីគណៈអចិន្ត្រៃយ៍យុវជនគណបក្សប្រជាជនកម្ពុជាថ្នាក់កណ្តាល ដឹកនាំដោយឧត្តមសេនីយ៍ឯក ហ៊ុន ម៉ាណែត។ តើអង្គការចាត់តាំងរបស់គេរៀបរចនាសម្ព័ន្ធដូចម្តេចខ្លះ? មានសមាសភាពអ្នកណាខ្លះ?
គណៈអចិន្ត្រៃយ៍នៃគណៈកម្មាធិការកណ្តាល (ឈប់ប្រើពាក្យមជ្ឈិមបក្ស) នៃបក្សប្រជាជនកម្ពុជា ដោយមានលោក សាយ ឈុំ ជាអនុប្រធានចុះហត្ថលេខា បានសម្រេចតែងតាំងបំពេញបន្ថែមសមាជិកគណៈអចិន្ត្រៃយ៍យុវជនគណបក្សប្រជាជនកម្ពុជាថ្នាក់កណ្តាលចំនួន ២៣នាក់ថែមទៀតនៅថ្ងៃទី២០ ខែឧសភា ឆ្នាំ២០២០។
ការតែងតាំងនេះ ធ្វើឡើងមួយអាទិត្យបន្ទាប់ពីថ្ងៃតែងតាំងឧត្តមសេនីយ៍ឯក ហ៊ុន ម៉ាណែត នៅថ្ងៃទី១៣ ឧសភា ជាប្រធានយុវជនគណបក្សប្រជាជនកម្ពុជាថ្នាក់កណ្តាល។ សមាជិកថ្មីទាំងអស់នោះដែលនឹងជួយពង្រឹងពង្រីកការងារឧត្តមសេនីយ៍ ហ៊ុន ម៉ាណែត និងបក្សប្រជាជនកម្ពុជា មានរាយនាមបុរស និងស្ត្រីដូចតទៅនេះ៖
បុរស៖
- ហួត ហាក់
- ជ្រុន ថេរ៉ាវ៉ាត
- យស ផានីត្តា
- គិម សន្តិភាព
- គិម រិទ្ធី
- ឃុត ចាន់ដារ៉ា
- ពៅ ប៉ូលីណែល
- រិន វីរៈ
- ជាវ ដាវុធ
- ចាយ បូរិន
- មាន ចាន់យ៉ាដា
- ឆាយ វណ្ណា
- ឡាវ វ៉ាន់
- ហេង សួរ
- គិម សុភៈ
- ងួន រាសី
- ហៃ រស្មី
- គង់ បូរ៉ា
- សារុន ឬទ្ធា
- ហោ សេរីវឌ្ឍន៍
- ប៉េង ពោធិ៍នា
ស្ត្រី៖ ដាំ ដារិនី និង កុប ម៉ារីយ៉ាស។
រិន វីរៈ ជារដ្ឋលេខាធិការក្រសួងផែនការ។
ក្រុមការងារយុវជនបក្សប្រជាជនកម្ពុជា រៀបជារចនាសម្ព័ន្ធជាអង្គការចាត់តាំងរើស និងបញ្ចូលសមាជិកក្រៅប្រទេស មិនថាក្មេង មិនថាចាស់ទៅក្នុងបក្សប្រជាជនកម្ពុជា ជាសមាជិកបក្សទទួលស្គាល់ដោយបក្ស មានអត្តសញ្ញាណប័ណ្ណសមាជិកបក្ស ហើយរៀនស្លៀកពាក់មានឯកសណ្ឋានក្នុងពិធីអ្វីមួយដូចជាអាវពណ៌ពងក្រសារ មានផ្លាកសញ្ញាបក្សរូបទេវតាជាប់ហោប៉ៅ និងមានបង់កក្រមាបោះពុម្ពសញ្ញាបក្ស។
រចនាសម្ព័ន្ធអង្គការចាត់តាំងយុវជនបក្ស យោងតាមការប្រជុំរួមតាមប្រព័ន្ធហ៊្សូម (ZOOM) ពីថ្ងៃទី៣ កក្កដា ដល់ថ្ងៃទី១៣ ខែសីហា ឆ្នាំ២០២១ កន្លងទៅនេះ ចែកជា៖
- កង ឬផ្នែកយុវជនបក្សប្រជាជនកម្ពុជាខាងនាយសមុទ្រ CPP Overseas Youth Division និងចែកជាទ្វីប (continent) និងតំបន់ (zone)
- កង ឬផ្នែកយុវជនបក្សប្រជាជនកម្ពុជាខាងនាយសមុទ្រចែកជាក្រុម ឬគណៈកម្មការនិស្សិតអន្តរជាតិ (International Student Group)
- ក្រុម ឬគណៈកម្មការយុទ្ធសាស្ត្រ (Strategy Group)
- ក្រុម ឬគណៈកម្មការបច្ចេកវិទ្យា និងប្រមូលព័ត៌មាន (Technology and Data Collection Group)
- ក្រុម ឬគណៈកម្មការសម្រួលកិច្ច និងពិធីការ (Coordination and Protocol)
- ក្រុម ឬគណៈកម្មការរដ្ឋបាល និងហិរញ្ញវត្ថុ (Administration and Finance)។
កង ឬផ្នែកយុវជនបក្សប្រជាជនកម្ពុជាខាងនាយសមុទ្រ ជួបប្រជុំចំនួន ១១ដងក្នុងរវាងជាងមួយខែ។ ថ្ងៃទី៣ កក្កដា ឆ្នាំ២០២១ ប្រជុំក្រោមអធិបតីភាព ហ៊ុន ម៉ាណែត និងថ្ងៃទី២៣ កក្កដា ក្រោមអធិបតីភាព គិម សន្តិភាព។ មានការចោទសួរគ្នាក្នុងចំណោមអ្នកវិភាគខាងច្បាប់អំពីរឿងពលរដ្ឋខ្មែរ-អាមេរិកាំង ខ្មែរ-បារាំង ខ្មែរ-អង់គ្លេស ខ្មែរ-អាល្លឺម៉ង់ ខ្មែរ-ស្វីស ខ្មែរ-កាណាដា ខ្មែរ-អូស្ត្រាលី ខ្មែរ-នូវែលហ្សេឡង់ ចូលសមាជិកភាពបម្រើបក្សប្រជាជនកម្ពុជា តាមច្រកកងយុវជនបក្សប្រជាជនកម្ពុជាខាងនាយសមុទ្រ ក្រោមការដឹកនាំនៃនាយទាហានជាន់ខ្ពស់បរទេស គឺឧត្តមសេនីយ៍ឯក ហ៊ុន ម៉ាណែត មេបញ្ជាការកងទ័ពជើងគោកប្រទេសកម្ពុជា។ តើជាអំពើខុសច្បាប់ចូលសញ្ជាតិចំណុចណា? ន័យស្បថសច្ចាប្រណិធានជម្រាបជូនលើកក្រោយ។
នៅសហរដ្ឋអាមេរិកមានប្រជុំ ៥ដងពីថ្ងៃទី២៧ កក្កដា ដល់ថ្ងៃទី១៤ សីហា៖
- រដ្ឋ Oregon ប៉ែកខាងលិចប្រជុំថ្ងៃទី១៤ សីហា
- រដ្ឋដទៃប៉ែកខាងលិច ប្រជុំថ្ងៃទី៣០ កក្កដា
- រដ្ឋប៉ែកខាងកើត ប្រជុំថ្ងៃទី២៩ កក្កដា
- រដ្ឋប៉ែកកណ្តាល-ខាងត្បូង ប្រជុំថ្ងៃទី២៨ កក្កដា
- និងរដ្ឋប៉ែកកណ្តាល-ខាងជើង ប្រជុំថ្ងៃទី២៧ កក្កដា។
នៅកាណាដា មានកិច្ចប្រជុំ ៣លើក ទី១ នៅថ្ងៃទី២៩ កក្កដា ប្រជុំនៅក្រុង Alberta ប៉ែកខាងលិច។ ប្រជុំថ្ងៃទី១ សីហា នៅខេត្តគេបិច (Quebec) និងក្រុងអុតាវ៉ា (Ottawa) ខេត្តអុងតារីយ៉ូ ប៉ែកខាងកើត ក្រោមអធិបតីភាពឈ្មោះ សៅ ជីវ៉ាន់។
មានសំណួរថា តើកង ឬផ្នែកយុវជនបក្សប្រជាជនកម្ពុជាខាងនាយសមុទ្រមានធនធានពីប្រភពណា ដើម្បីធ្វើសកម្មភាពបំពេញបេសកកម្មរើសសមាជិកចូលបក្សរបស់គេ? តើសមាជិកម្នាក់គេស្ម័គ្រចិត្តចូលបម្រើបក្សដោយឥតលក្ខខណ្ឌ ចាយវាយខ្លួនឯងឥតប្រយោជន៍ ឬដូចម្តេច?
តទៅនេះ យើងសូមរាយនាមសមាសភាពមន្ត្រីនៃរាជរដ្ឋាភិបាលដែលមានមុខនាទីក្នុងរចនាសម្ព័ន្ធអង្គការចាត់តាំងខាងក្រុមការងារយុវជនបក្សប្រជាជនកម្ពុជាខាងនាយសមុទ្រ យោងតាមការចូលរួមប្រជុំនៃក្រុម ឬគណៈកម្មការយុទ្ធសាស្ត្រថ្ងៃទី៩ សីហា ២០២១៖
- វង្ស ប៊ុនឥន្រ្ទាវុទ្ធ អគ្គនាយកនៃនាយកដ្ឋានរតនាគារជាតិ ជាប្រធានក្រុមការងារយុវជនបក្សប្រជាជនកម្ពុជាប្រចាំប្រទេសនូវែលហ្សេឡង់ ជាប្រធានក្រុម ឬគណៈកម្មការយុទ្ធសាស្ត្រគណៈកម្មការបច្ចេកវិទ្យា និងប្រមូលព័ត៌មាន និងគណៈកម្មការនិស្សិតអន្តរជាតិ ជាអតីតនាយទាហានថ្នាក់ឧត្តមសេនីយ៍នៃកងយោធពលខេមរភូមិន្ទ។
- គុយ គួង អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ ជាអតីតឯកអគ្គរាជទូតរាជាណាចក្រកម្ពុជាប្រចាំប្រទេសអូស្ត្រាលី ជាប្រធានសាខាបក្សប្រជាជនកម្ពុជា ប្រចាំអូស្ត្រាលី និងនូវែលហ្សេឡង់ ជាអតីតនិស្សិតរៀននៅសកលវិទ្យាល័យជាតិអូស្ត្រាលី។
- ស៊ូ សុជាតិ ប្រធានអគ្គនាយកផ្សារហ៊ុនផ្លាស់ប្ដូរ ឬផ្សារមូលប័ត្រ (Securities & Exchange Commission) ជាអនុប្រធានក្រុមការងារយុវជនបក្សប្រជាជនកម្ពុជាប្រចាំប្រទេសនូវែលហ្សេឡង់។
- ចាន់ ណារិទ្ធ អគ្គលេខាធិការនៃក្រុមប្រឹក្សាជាតិការពារសង្គម ជាអនុរដ្ឋលេខាធិការនៃក្រសួងសេដ្ឋកិច្ច និងហិរញ្ញវត្ថុ។
- ឆុន ណាវី អគ្គនាយករងនៃក្រសួងព័ត៌មានវិទ្យា។
- មាស សុខសែនសាន្ត អគ្គលេខាធិការនៃក្រសួងសេដ្ឋកិច្ច និងហិរញ្ញវត្ថុ ជាអតីតលេខាទី១ ប្រចាំស្ថានទូតរាជាណាចក្រកម្ពុជានៅប្រទេសបារាំង ជាអតីតនាយកពិធីការនៃក្រសួងការបរទេស និងសហប្រតិបត្តិការអន្តរជាតិ។
- ហ៊ុយ វត្ថារោ ប្រធានសមាគមធានារ៉ាប់រងកម្ពុជា និងនាយកចាត់ចែងក្រុមហ៊ុនធានារ៉ាប់រងថ្មីកម្ពុជា។
- សុខ តារា អគ្គនាយករងផ្សារហ៊ុនផ្លាស់ប្ដូរ ឬផ្សារមូលប័ត្រ (Securities & Exchange Commission)។
- ណី (ន័យ) សំអុល អគ្គនាយកក្រសួងការបរទេស និងសហប្រតិបត្តិការអន្តរជាតិ ជាអតីតតំណាងអចិន្ត្រៃយ៍នៃរាជាណាចក្រកម្ពុជា ប្រចាំអង្គការសហប្រជាជាតិនាក្រុងហ្សឺណែវ ប្រទេសស្វីស។
- សម្បូរ ភក្តី មន្ត្រីនៃអគ្គលេខាធិការដ្ឋានក្រុមប្រឹក្សាជាតិការពារសង្គមនៃក្រសួងសេដ្ឋកិច្ច និងហិរញ្ញវត្ថុ។
- សោម ចំណាន ទីប្រឹក្សាក្រសួងការងារ និងបណ្តុះបណ្តាលវិជ្ជាជីវៈ ធ្លាប់រៀននៅសកលវិទ្យាល័យម៉ែលប៊ន អូស្ត្រាលី ក្រោមកិច្ចឧបត្ថម្ភរង្វាន់ជាអ្នកដឹកនាំពីឆ្នាំ២០១៣-២០១៤។
- ប៊ិន កក្កដា មន្ត្រីនៃក្រសួងសេដ្ឋកិច្ច និងហិរញ្ញវត្ថុ។
- វិន ភក្តី មន្ត្រីផ្នែកផ្សារហ៊ុនផ្លាស់ប្ដូរ ឬផ្សារមូលប័ត្រនៃក្រសួងសេដ្ឋកិច្ច និងហិរញ្ញវត្ថុ។
- ពុម ហ៊ួយ មន្ត្រីនៃក្រសួងសេដ្ឋកិច្ច និងហិរញ្ញវត្ថុ។
- ទ្រី សុខខេង ឬ សុខហេង មន្ត្រីនៃក្រសួងមហាផ្ទៃ។
- ហ៊ូ វាសនា មន្ត្រីនៃក្រសួងសេដ្ឋកិច្ច និងហិរញ្ញវត្ថុ។
ចំណែកឯក្នុងកិច្ចប្រជុំនៃក្រុម ឬគណៈកម្មការសម្រួលកិច្ច និងពិធីការ (Coordination and Protocol) នៅថ្ងៃទី២១ ខែកក្កដា ឆ្នាំ២០២១ អ្នកចូលរួមមានសមាសភាពដូចតទៅនេះ៖
- ស៊ុយ ជីហ៊ាង ប្រធានគណៈកម្មការសម្រួលកិច្ច និងពិធីការនៃកង ឬផ្នែកក្រុមការងារយុវជនបក្សខាងនាយសមុទ្រ ជាលេខាធិការរងនៃអាជ្ញាធរជាតិកម្ចាត់មីនកម្ពុជា។
- ថូ សំណាង អគ្គនាយកនៃអគ្គនាយកដ្ឋានកិច្ចការច្បាប់ កុងស៊ុល និងព្រំដែននៃក្រសួងការបរទេស និងសហប្រតិបត្តិការអន្តរជាតិ ជាអតីតលេខាធិការទី១ ស្ថានបេសកកម្មអចិន្ត្រៃយ៍នៃរាជាណាចក្រកម្ពុជា ប្រចាំអង្គការសហប្រជាជាតិ បុរីញីវយ៉ក ពីឆ្នាំ២០១០-២០១៥។
- កែវ គន្ធាដួងចន្ទ មន្ត្រីអាជ្ញាធរជាតិកម្ចាត់មីនកម្ពុជា ជាទីប្រឹក្សាឲ្យគណៈកម្មាធិការជាតិផ្នែកសេដ្ឋកិច្ច និងសង្គមកិច្ចសម្រាប់តំបន់អាស៊ី-ប៉ាស៊ីហ្វិក ឆ្នាំ២០១៩។
- ហ៊ុន ឧសភា មន្ត្រីនៃក្រសួងការបរទេស និងសហប្រតិបត្តិការអន្តរជាតិ។
- សាយ ម៉េងឈាង ឧត្តមសេនីយ៍ឯកនគរបាល អគ្គនាយករង និងអ្នកនាំពាក្យនាយកដ្ឋានអត្តសញ្ញាណប័ណ្ណនៃក្រសួងមហាផ្ទៃ។
- សាយ ម៉េងគិម ចៅហ្វាយខេត្តរងខេត្តរតនគិរី ជាសមាជិកគណៈអចិន្ត្រៃយ៍យុវជនបក្សប្រជាជនកម្ពុជាថ្នាក់កណ្តាល។
- លឹម ហួរពៅ ហៅ ចន លឹម (John Lim) ពាណិជ្ជករ។
កិច្ចប្រជុំតាមហ៊្សូម នៅថ្ងៃទី៤ សីហា ឆ្នាំ២០២១ ក្នុងក្រុម ឬគណៈកម្មការយុទ្ធសាស្ត្រដឹកនាំដោយ ហួន ភានុត មានអ្នកចូលរួម ៥០នាក់ មានសមាសភាពដូចតទៅនេះ៖
- ឡាយ ណារ៉ា មន្ត្រីក្រសួងសាធារណការ និងដឹកជញ្ជូន ជាអតីតមន្ត្រីសាលាក្តីខ្មែរក្រហម។
- ភា សុធារី
- ខែម តារា
- ប៊ិន ស្រីទូច
- ឈាង ដាមី
- ស សុភាវត្តី
- តាន់ ឡានីន
- វ៉ែន បញ្ញា។
ភាគបន្តនៅសប្តាហ៍ក្រោយៗ យើងនឹងពិនិត្យសកម្មភាពក្រុមការងារយុវជនបក្សស៊ីភីភី (CPP) នៅទ្វីប និងប្រទេសដទៃ ការអះអាងអំពីមូលហេតុបង្កើតបណ្ដាញ ថវិកាចំណាយ និងច្បាប់ចែងអំពីសមាជិកភាពបក្សកាន់អំណាចផ្ដាច់ការ៕