រដ្ឋមន្ត្រីក្រសួងមហាផ្ទៃលោកស ខេងបានសម្រេចដកហូតតំណែងឧត្តមសេនីយ៍ទោម្នាក់ពីតួនាទីជាអនុប្រធាននាយកដ្ឋាននគរបាលចរាចរណ៍ និងសណ្ដាប់ធ្នាប់សាធារណៈឲ្យមកនៅជាមន្ត្រីធម្មតាវិញ។
សេចក្តីប្រកាសរបស់ក្រសួងមហាផ្ទៃកាលពីថ្ងៃទី១៥ខែកុម្ភៈហើយដែលសារព័ត៌មានThe Cambodia Dailyទើបទទួលបាននៅថ្ងៃនេះ ឲ្យដឹងថា ការសម្រេចដកតួនាទីលោកស៊ុយ វុឌ្ឍីជាអនុប្រធាននាយដ្ឋាន នគរបាលចរាចរណ៍ និងសណ្ដាប់ធ្នាប់សាធារណៈដោយសារមន្រ្តីរូបនេះបានប្រព្រឹត្តល្មើសទៅនឹងវិន័យកងកម្លាំងនគរបាលជាតិ។
ទោះជាយ៉ាងណាក៏ដោយ សារព័ត៌មានThe Cambodia Dailyនៅមិនទាន់ទទួលបានព័ត៌មានលម្អិតថា តើមន្រ្តីរូបនេះបានប្រព្រឹត្តកំហុសអ្វីឲ្យប្រាកដនោះទេ៕